الاثنين، 24 ديسمبر 2012

مشاكل الكاتينة فى النيفا

مشاكل الكاتينة فى النيفا


الكاتينة فى النيفا عيبها الاساسى انها مع الوقت بترخى و بتكون محتاجة لظبط الشدادات و هما اتنين واحد كبير و التانى صغير بيكون ثمن تغييرهم بالمصنعية حوالى 40 جنية و لو تم تغييرهم انصح بصيانة السكس بلف عشان صوت الموتور يهدى و العربية تبقى انعم
وكل اللى الميكانيكى بيعمله انه بيفك وش التقسيمة و يغير الشداد و يقرط شوية على السكس بلف لو مش محتاج غير تقريط و ممكن يعير جوان وش التقسيمة و دة بخمسة جنية 
المشكلة الرئيسية فى كاتينة النيفا ان فى حالة كسر الشداد ممكن تجيب صبابات بسبب الطرق علي الصبابات بيخليها تتعوج و دة هيدخلك فى موال كبير جدا
الحل الاسهل هو الصيانة السريعة مع اى تغيير فى صوت الموتور على السلانسية حتى لو اداءه كويس 

سعر تابلوة النيفا 2013

تابلوهات لادا





سعرالتابلوة الجديد بيكون حوالى 1000 جنية اما بالنسبة للمستعمل او الاستيراد فدة من عزبة شلبى سعره فى حدود 500 جنية
و دى برضو اسعار تابلوة لادا 2107 ولادا 2105

السبت، 22 ديسمبر 2012

تكلفة عمرة موتور النيفا و اسعار فتيس النيفا 2013

عمرة موتور السيارة


ازاى تعرف ان عربيتك مجتاجة عمرة موتور




عمود البيل و مركب عليه البستم




عمود الكرنك ( Crankshaft )




عمود الكرنك

1 ارتفاع درجة الحرارة بدون سبب واضح
2 ارتفاع مستوى المياة فى الرادياتير


3 تغيير لون العادم الى اللون الازرق و هو لون الناتج من تسرب الزيت الى غرفة الحرق و من الممكن خروج نقط زيت من الشكمان فى الحالات القصوى
4 صوت الموتور متغير

5 زيادة رهيبة فى استهلاك زيت الموتور



العمرة الكاملة تشمل الآتي :

1-  فك الموتور من السيارة
2-  تفكيك جميع أجزاء الموتور وعمل اللازم لها
3-  عمل اللازم لوش السلندر بصباباته وغيرها
4-  فك البساتم وتغييرها
5-  فك الشنابر من البساتم وتغييرها
6-  فك عمود الكرنك وإرساله للمخرطة للخراطة أو شراء غيره
7-  فك بلوك السلندرات وإرساله للمخرطة للخراطة
8-  فك طرمبة الزيت وصيانتها
9-  تغيير جميع السبائك المعدنية في عمود الكرنك
10- تغيير طبب المياه
11- فك عمود الكامات والمراجعة عليه (خراطة أو شراء آخر)
وتغيير أي شيء آخر يحتاج لتغيير من جوانات وأولسيهات وغيره


نصف العمرة تشمل الآتي :

1-  من الممكن عملها بدون فك الموتور من السيارة
2-  فك المكابس (البساتم) وتغيير الشنابر
أو بمعنى أصح أغلب الإجراءات السابقة أعلاه بدون خراطة الموتور أو الكرنك وبدون تغيير المكابس

تكلفة العمرة الكاملة حوالى 2000 جنية
و بالنسبة للموتور الاستيراد بدون فتيس اسعاره فى عزبة شلبى كالآتى

موتور 1600 سى سى كاتينة جنزير 1500 جنية
موتور 1500 سى سى كاتينة كاوتش 1500 جنية
موتور 1200 سى سى كاتينة جنزير 1200 جنية 
الكلام دة كله زائد علية 130 جنية لتخليص ورق الافراج الجمركى من بورسعيد 
اما الفتيس الـ 5 غيار  فيبدأ من حوالى 900 الى 1300 جنية انت و شطارتك 

ملاحظة هامة: تسرب الزيت لغرف الاحتراق بيحصل لما الشنابر تتآكل او تكسر منها جزء حيث ان مهمتها اصلا منع دخول الزيت لغرف الحرق
ملاحظة هامة : دور الخراط فى العمرة هو خرط عمود الكرنك يعنى يتم تقليل القطر بنسبة بسيطة جدا و طبعا الموتور الزيرو بيكون خرطة الكرنك بتاعه 00 زيرو زيرو
و اول عمرة بتكون 010 و التانية 020 و التالتة 030 لحد العمرة السادسة و ممك لما توصل لسادس عمرة الكرنك يتكسر من اى امبلية شديد و طبعا يستحسن انك تشترى عمود كرنك جديد احسن من الوصول لسادس عمرة

الأحد، 16 ديسمبر 2012

صيانة الاعطال الشائعة فى السيارات

صيانة الاعطال الشائعة فى السيارات



صورة الميكانيكى بتاعى


موضوع مهم و لما شفته قلت لازم اجيبه فى مدونة النيفا طبعا


اولا : الموتور

العيب الاول

موتور العربية ما بيدورش مع إدارة المفتاح

أسباب العطل و العــــــــلاج:

1 ضعف البطارية

اكشف على مية البطارية و شوفها مستواها لو وطيت زودها
او ممكن البطارية تكون عمرها الافتراضى انتهى

2 رداءة توصيل كابلات البطارية تنظف أقطاب البطارية
حط القواطيش فى كوباية فيها شوية مية سخنة هتلاقى القواطيش رجعت حمرا تانى بلون النحاس الاصلى عشان الملح اللى عليها بيدوب بالمية
 أو تغير الكابلات لو هى مش سليمة


التشغيل خلال دفع العربة مع تعشيق السرعة الثانية 

احتمال وجود ماء داخل السلندرات أو حشر المكابس ~> لابد من اللجوء لميكانيكي بيفهم للكشف والإصلاح 

وجود خطأ في تعشيق ترس المارش مع ترس الحدافة وعادة ما ينتج عن ذلك صوت عند محاولة الإدارة
 يعاد تربيط و ضبط المارش في مكانه الصحيح لاحتمال عطل في مفتاح التوصيل الرئيسي صلح العيب أو بدل قفل الكونتاكت


العيب الثانى


الموتور يدور ببطء و لكن لا يبدأ الحركة 

أسباب العطل و العلاج 


ضعف البطارية أعد شحن البطارية إذا تأكد غير البطارية إذا تأكد تلف البطارية 

سوء التوصيلات أو تآكل الكابلات الرئيسية غير الكابلات التالفة أو أعد إحكام الوصلات 

عدم تلامس الكابل الأرضي مع الهيكل جيداً نظف مكان الوصلة جيداً واحكم الربط 

عيب في المارش يزال العيب أو يستبدل المارش و ممكن قبل ما تروح لميكانيكى تحاول تخبط على المرش بمتاح تقيل ممكن يشتغل معاك لو ربنا سهله  

زيادة لزوجة الزيت في كرتير الزيت يفرغ الزيت ويعاد الملء بزيت ذو لزوجة مناسبة 


العيب الثالث

الموتور بيدور عادي و لكن لا يبدأ في الاشعال
 
أسباب العطل و العلاج 

جرب الكهرباء في سلك البوجيهات إذا تأكد وجود عيب في دورة الاشعال فقد يكون هناك عدم وجود كهرباء في أسلاك البوجيهات أو فصل في أي منها
تجربة سلك البوجية سهلة بتشد السلك من على البوجية و تقربه من اى جء معدنى هتلاقيه بيطلع شرار ازرق

اختبر الكهرباء القادمة من الموبينة واختبر الأسلاك الموصلة للموبينة واختبر غطاء الاسبراتير من حيث الشروخ أو الرطوبة واختبر أيضاً الأبلاتين و تأكد من عدم وجود قصور في أي منها
الابلاتين لو لادع او لدع منك قبل كدة ممكن تنضف مكان اللدعة بسنفرة و لو انت مش معاك ممكن بمفك عادة تحك مكان اللدعة و لو مفيش مفك منك لله هات ورقة بتاعة مش كبريت و بالحتة الخشنة حاول تنضف مكان اللدعة و ما حدش يقول انه كمان بيمشى من غير كبريت امال لو اتزنقت فى كارتله بتعمل اية؟!

عدم وجود كهرباء في سلك التوصيل من الاسبرتير للبوجيه 

انزع فلتر الهواء وراقب سلامة عمل بوابات الكربراتير وتأكد من أنه يقوم برش البنزين عند ضغط دواسة البنزين عند وجود كهرباء في اسلاك البوجيهات 
و يدل على ذلك حدوث شرارة بين أي سلك من أسلاك البوجيهات عند تقريب طرفه من جسم المحرك لمسافة 5 - 10 م و إدارة المارش



العيب الرابع

المحرك يدور ولكن لا يبدأ في الإشعال 


أسباب العطل العلاج 

اختبر عمل طلمبة الوقود بنزع خرطوم توصيل الوقود من ناحية الكربراتير ثم ادر المحرك بالمارش و اختبر اندفاع البنزين من الخرطوم مع دوران المحرك اضغط بدال البنزين عدة مرات وانظر خلال الكربراتير فإذا بدا جافاً فإن ذلك يعني وجود شوائب في فونيات الكربراتير وفي مدخل غرفة العوامة ويجب تنظيفها وإذا بدا الكربراتير به آثار بنزين فذلك يعني أن العيب في شمعات الاحتراق ويجب فكها والتأكد من سلامتها ومن الخلوص بين طرفيها عند التأكد من وصول البنزين للكربراتير تأكد من وجود بنزين في تنك السيارة لأنه في بعض الأحيان يعطي عداد البنزين قراءة خاطئة عدم وجود بنزين في التنك تأكد من سلامة توصيلات خراطيم البنزين وعدم وجود سد بها - تأكد من نظافة فلتر البنزين - افتح غطاء طلمبة البنزين ونظف الطلمبة من الداخل وأعد الغطاء مع التأكد من احكام إغلاقه في حالة طلمبة البنزين الميكانيكية


عدم ضبط توقيت الاشتعال أختبر الدواسة وأن طول مشوار الدواسة متناسب مع طول مشوار بوابة الكربراتير 

عدم ضبط مقدم الشرارة الأتوماتيكي أعد ضبط واصلاح اللازم 
تسرب الخلخلة من المحرك أختبر وأصلح سبب التسرب من فرن الحر أو الكربراتير 
عدم ضبط خلوصات الصمامات أعد ضبط الخلوصات قلة الضغط داخل الأسطونات اختبر ضغط المحرك ويرسل المحرك للعمرة إذا كانت حالته تحتاج إلى عمرة قلة كمية الوقود الواصل إلى الكربراتير أختبر طلمبة البنزين أو ابرة الكربراتير ثم نافورات الكربراتير عدم ضبط الوصلات الميكانيكية من البدال إلى الكربراتير أعد ضبط الوصلات ليتناسب مشوار الدواسة مع مشوار الباب في الكربراتير

العيب الخامس


المحرك يبطل عند إيقاف السيارة ولكن يدور في الأحوال الأخرى ** 


أسباب العطل و العلاج 


السبب الاشهر هو مسمار ضبط باب الكربراتير يحتاج إعادة ضبط اضبط السرعة البطيئة بتزويد عدد اللفات 

1 انسداد فونية دخول الهواء يتم تنظيف الفونية جيداً 
2 تسرب في طلمبة عن طريق فرن الحر اختبر احكام ربط كل الأجزاء الموصلة لمدخل الهواء بما فيها ماسورة التقديم الاتوماتيكي
3 زيادة سخونة المحرك اختبر توقيت الاشعال ودورة التبريد و ضبط الكربراتير و شد سير المروحة وكذلك الترموستات لمعرفة سبب زيادة سخونة المحرك 
4 زيادة سخونة البوجيهات اختبر مدى مطابقة نوع البوجيه لمواصفات السيارة 
وجود نقطة كربونية ساخنة داخل غرفة الاشتعال إزالة الشوائب الكربونية المترسبة داخل غرفة الاشعال 
5 اختلال ضبط خلوصات الصمامات في المحرك أعد ضبط الخلوصات 
6 تسرب في الخلخلة داخل المحرك أعد احكام ربط الوصلات الخاصة بدائرة الحر 


العيب السادس

الموتور بيشتغل و يبطل



أسباب العطل و العلاج 

1 وقود خطأ من حيث الدرجة أعد ملء التانك بالوقود المناسب الوقود المستعمل 
أعد ضبط توقيت الاشعال توقيت الشرارة بعيداً جداً عن التوقيت الصحيح 
2 وجود عطل في جهاز التقديم الاتوماتيكي اختبر اليايات والأثقال الخاصة بالطرد المركزي داخل الموزع 
3 زيادة سخونة المحرك اختبر البوجيهات (شمعات الاحتراق) 
زيادة السخونة في شمعات الاحتراق ازل الرواسب الكربونية من داخل غرف الاشتعال اختبر دورة التبريد زيادة الترسيبات داخل غرفة الاشتعال 


العيب السابع


تساقط مياه من الشكمان عند بدء الادارة في الجو البارد

أسباب العطل و العلاج

دة مش عيب كدة يبقى الموتور مظبوط 100%

تساقط مياه من الشكمان في درجات الحرارة العادية

العربية جايبة جوان 
اول خطوة لتأكيد انه جوان تفتح الغطاء و تبص على الزيت لو لقيته شكل الطحينة و بنفس اللون تقريبا يبقى وش سلندر مفيش كلام
وجود شرخ بغطاء كتلة الاسطوانات  وش السلندر يعنى أو عدم استواء سطحه الأسفل يعنى وش السلندر مقفع و يتم كشط وش السلندر ( غطاء كتلة الاسطوانات ) عند مختار اللى عند كوبرى التجنيد






السبت، 15 ديسمبر 2012

مشكلة تقل دريكسيون النيفا

مشكلة تقل دريكسيون النيفا





مشكلة الدركيسون التقيل فى النيفا مشكلة عامة على كل عربيات اللادا مش النيفا و بس
و عموما اسباب المشكلة دى هى 

1 ضبط الكاوتش

 كل مقاس للكاوتش و ليه درجة ضبط معينة و لو الاربع عجلات الهوا فيهم مش مظبوط هتلاقى العربية بتعمل اصوات غريبة كأن العفشة بايظة
و طبعا اللى مشاويره كتير و بيعملها الصبح فى درجة حرارة عالية يكشف كل اسبوع على الاقل على ضغط الكاوتش لانه بيزيد جدا مع ارتفاع درجة الحرارة ممكن تكون ظابط الكاوتش على 31 و تلاقى بعد اسبوعين 37 حاجة نادرة لكن بتحصل و طبعا مش قاعدة ان الاربع فرد يزيد الضغط فيهم بنفس النسبة و لو فردة من قدام زادت عن التانية مش بس الدريكسيون هو اللى هيتقل لا انت هتحس انك محتاج ظبط زويا لكن بمجرد ما تظبط الكاوتش هتحس بالفرق

2 علبة الدريكسيون 

طبعا دي مشكلة ازلية فى اللادا لكن اللى يشترى نيفا لازم يكون فاهم انها اصلا معمولة عشان السواقة فى الطرق الوعرة و غير الممهدة فلازم الدريكسيون يكون تقيل شوية 
لكن لو اتقل من اللازم يا اما يتغير بعلبة دريكسيون مازدا يا اما تجيب الروسى من عند حمدى لادا من اى فرع او ملك اللادا اللى فى شارع هارون فى مصر الجديدة

3  شغل العفشة

طبعا كل الطرق فى مصر حالتها تبوظ عفشة اى عربية و كمان عدم كفاءة الصنايعية فى الشغل و جملتهم المشهورة انا هأعدلك
اول ما تسمع حد بيقول هاعدلك خد عربيتك و اجرى
عموما العفشة ككل طقم البيض و طقم السوست و البارات كلها تتلم بحوالى 500 جنية

4 عيوب اخرى

خبطات قديمة مؤثرة على الشاسية

ضبط الزوايا و الاتزان مهمة جدا لكل العربيات بلاش تروح لعفشجى قبل ما تكشف على الزوايا و يعمل عليك حوار

ممكن تكون واحدة من الفرد القدامانية الفرامل قافشة فيها شوية لكن دى عيوب ممكن تظهر فى اى عربية مش اللادا النيفا و بس و انا كتبتها لمجرد الملاحظة 

الثلاثاء، 11 ديسمبر 2012

فيديوهات لسيارة لادا نيفا أوعى وشك



اتفرج على النيفا و متع نظرك



قطع غيار العربية النيفا

بالنسبة لقطع الغيار اللى ممكن تتركب للادا النيفا و تكون أفضل من قطع الغيار الاصلية هى 




1 طقم الكهرباء بالكامل

2 البوجيهات و سلك البوجيهات 

3 مارش 131 ألمانى و دينامو مع الشداد

4 موتور فيات 131 أو 132 أو موتور فولكس جولف ألمانى

5 جميع الاولسيهات

6 طنابير فرامل امامية ألمانى

7 بللي يابانى

8 الموبينة المانى او يابانى

9 اسبراتير الكترونى ايطالى 

10 علبة الدريكسيون يابانى ( مازدا )

و نصيحة بلاش تغيير الفتيس أبدا أو التعديل فى أساس العربية
ما فيش حد يقدر يعدل على المهندسين اللى عملوها و الا كان عمل هو عربية 

بلاش نصدق كلام الميكانيكية بتاع أعدلك فى الفتيس و الميكانيكى لما يقولك هأعدل بيخرب

الاثنين، 10 ديسمبر 2012

لادا نيفا Лада Нива تاريخ نشأة و صناعة سيارات نيفا


لادا نيفا (بالروسية: Лада Нива)


سيارة دفع الرباعي، مصممة خصيصا للطرق الوعرة، تنتجها شركة أوتوفاز الروسية لصناعة السيارات، بالرغم من أن موديل نيفا بدأ إنتاجه منذ عام 1977 إلا أنه يتمتع بشعبية كبيرة حتى الآن في كلا من روسيا (بلد المنشأ)، كندا، أمريكا الجنوبيةالشرق الأوسط وبعض مناطق أوروبا, وبصفة عامة في البلاد ذات الطبيعة الوعرة، حيث تبرز الحاجة لسيارة متينة تتحمل تلك الطرق، مع تكلفة منخفضة مقارنة بمثيلاتها الأمريكية او الاوروبية أو اليابانية الصنع.




سيارة لادا نيفا


لادا نيفا التي كانت تحمل موديل رقم 2121 كانت أولى الموديلات التي انتجها المصنع دون الاعتماد على موديلات فيات الإيطالية, مع ان أغلب الاجزاء الميكانيكية ظلت إيطالية التصميم إلا أن الجسم الخارجى ونظام القيادة الرباعي والتعليق الامامى كانوا من تصميم الخبراء الروس. بدأ الإنتاج المتسلسل لهذا الموديل في عام 1977 ولايزال ينتج حتى الآن دون أن يطرأ عليه أي تعديل جوهرى. و يتم انتجها في مصر منذ 2008 وحتى وقت كتابة المقالة ولكن ليست في قوة وصلابة مثيلاتها الروسية.لكنها قوية وتعيش طويلا وأ رخص من مثيلاتها رباعية الدفع....نيفا المصنعة في مصر تصنع في مصنع لادا بالعاشر من رمضان بمواصفات ممتازة تشتمل على جسم معالج ضدد الصدء وبمكيف هواءولكن ضعيف الفاعلية نوعا ما...ومزودة بواقيات بلاستيكية لدوائر الرفارف والاهم من كل هذا وهو بالفعل الاختلاف الأهم في هذا الموديل عن سابقيه وهو كما يلى :
1- المحرك سعته الليتربة أصبحت 1700 سى سى بدلا من 1600 في القديم.
2- استبدل نظام خالط الوقود الكاربريتور بنظام البخاخات أو الرشاشات وهى من صنع المانى.
3- اضيفت مجموعة من الحساسات الإلكترونية لتحسين الأداء بصورة فاعلة للغاية الا انها تمثل مشكلة في الصيانة لارتفاع سعرها وندرتها نوعا ما ورداءتها.
4- السيارة مزودة بالمؤازر الخاص بعجلة القيادة (الباور ستيرنج)5- نظام ضخ الوقود بمضخة كهربية.
6- سعة خزان الوقود صغيرة للغاية.7- استهلاكها للوقود محدود نظرا لدور الحساسات المضافة والتي تتحكم في أداء المحرك

مجموعة صور لعربيات نيفا تحفة








الموضوع دة ببساطة عن تابلوه العربية النيفا

النيفا عربية مافهاش أى تعقيد كل شئ فيها واضح و دى هى فكرة الصناعات فى روسيا بأستمرار 
عمل معدة قوية و للخدمة الشاقة و قطع غيار بسيطة الثمن و وزنها ثقيل جدا و دة لحكمة مهمة 
أنها تكون متزنة و ثابتة على الارض بدون الحاجة لتكنولوجيا متطورة تزود من سعر السيارة زى العربيات الالمانية

لو نبص على الصورة نلاقى ان الخمس عدادات بالترتيب من اليمين للشمال 



صورة لتابلوه نيفا موديل 1983

1_  امبير الحرارة أو عداد الحرارة و هو له 3 درجات 50 و دى طبعا البداية و 90 و دى طبعا لازم ننتبه ليها عشان ما تعلاش أكتر و تجيب جوان و لا ما شاء الله وش سلندر و تخش فى دوامة و أسبوع عطلة عند الميكانيكى دة غير الفلوس يجى 400 بلبل و حظك اسود لو كان وش السلندر مقفع و محتاج قشط تروح تقشط ب 200 جنية  عند مختار تحت كوبرى التجنيد تلاقى أن الوش اتقشط قبل كدة و مش هينفعله قشط لو الميكانيكى ابن حلال ممكن يحطلك جوانين لكن ممكن ما فيش حاجة تنفع و تضطر تشترى وش سلندر جديد من الوكالة ولا الحرفيين و لا عزبة شلبى
و طبعا مؤشر الحرارة الدرجة القصوى فيه 130 و دى لو انت شفتها يستحسن تعدى على اول ميكانيكى

2_ امبير السرعة و هو سرعته القصوى 180 كيلو متر ساعة لكن ما يستحسنش تجرب السرعة دى بعربية مستعملة فى مصر

3_ عداد RBM ار بى أم ( Round per minute) يعنى عدد لفات موتور العربية فى الدقيقة و طبعا عدد اللفات فى الامبير بيبتدى من 10 و بينتهى عند 80 ( الارقام دى بتكون مضروبة فى 100) و طبعا فى علامة حمراء لما عدد اللفات بيعدى 6000 لفة فى الدقيقة

4_ امبير البنزين و بالمناسبة التانك بيكون 41 من المصنع لكن فى مصر فى عفريت بيخلى التانك 40 او 39 لتر بس

5_ أمبير الزيت


عموما لاى حد عاوز يشترى تابلوه كامل للنيفا على عزبة شلبى و شوف الاسعار بس ياريت تروح مع حد فاهم لانك لو رحت لوحد هتتظبط يا جميل


دى طبعا صورة ارشيفية لكن و الله عملت بعربيتى زيها 



و دى صورة لابعاد العربية النيفا بالسنتيمتر



أتمنى أنى اكون قدمت حاجة بسيطة عن النيفا حبيبتى

هذة المدونة عن سياراة لادا نيفا


  1. زى كل المصريين جربت السيارات اللى على قد الحال و ربنا وفقنى و اشتريت نيفا موديل 1983 من سنة 
  2. و نظرا لطبيعة عملى كمهندس و حبي الشديد للميكانيكا كونت فكرة ممتازة عن كل ما يتعلق بالنيفا من حيث الميكانيكا و هى بالمناسبة سهلة جدا فى العربية اللادا النيفا و كمان من حيث اسعار قطع الغيار و أماكنها و قطع الغيار البديلة و اماكن بيع قطع غيار النيفا و كمان اسعار كل موديلات النيفا فى مصر
  3. أحب من خلال البلوج دة أنى اشارك معلوماتى حوالين النيفا مع أى حد مهتم